አፕል አዳዲስ የአይፎን ስማርት ስልኮቹን ሊያቀርብ ነው

አዲስ አበባ፣ መስከረም 2፣ 2010 (ኤፍ.ቢ.ሲ) አፕል አይፎን ስልኮችን ማቅረብ የጀመረበትን 10ኛ ዓመት አስመልክቶ የሚለቃቸው አዳዲስ ስማርት ሰልኮች ከወዲሁ ተጠባቂ ሆነዋል።

ኩባንያው የመጀመሪያውን የአይፎን ስልክ ከ10 ዓመት በፊት ይፋ ያደረገ ሲሆን፥ እስካሁን በርካታ ስማርት ሰልኮችን ተጠቃሚዎች ዘንድ አድርሷል።

ኩባንያው 10ኛ ዓመቱን ምክንያት በማድረግ ይፋ ያደርጋቸዋል ተብለው ከተጠበቁት ውስጥም አይፎን ኤክስ (iPhone X) አንዱ ነው።

ከዚህ በተጨማሪም በአይፎን ስልክ ወዳጆች ዘንድ በጉጉት ሲጠበቁ የነበሩት አይፎን 8 እና አይፎን 8 ፕላስ አፕል እንደሚለቃቸው ከሚጠበቁ ስልኮች ውስጥ ናቸው ተብሏል።

ipo.jpg

አዲሶቹ ስማርት ስልኮች ምንም ጠርዝ የላቸውም የተባለ ሲሆን፥ ፊት ማንበብም ጨምሮ አዳዲስ ቴክኖሎጂዎች የተካተቱበት ነው።

አዲሱ አይፎን ኤክስ (iPhone X) የመሸጫ ዋጋ ታሪክ ውስጥ ውዱ ሊሆን እንደሚችልም የተገመተ ሲሆን፥ ዋጋውም ከ1 ሺህ እስከ 1 ሺህ 200 የአሜሪካ ዶላር ሊሆን ይችላል ተብሏል።

ምንጭ፦ ቢቢሲ