በጥር ወር የነዳጅ ምርቶች ዋጋ በነበረበት ይቀጥላል

አዲስ አበባ ፣ ታህሳስ 30 ፣ 2010 (ኤፍ ቢ ሲ) የጥር ወር የነዳጅ ምርቶች የችርቻሮ መሸጫ ዋጋ ባለበት እንደሚቀጥል የንግድ ሚኒስቴር አስታወቀ።

ሚኒስቴሩ ለጣቢያችን በላከው መግለጫ በጥር ወር፥ ከአውሮፕላን ነዳጅ በስተቀር የሌሎቹ ነዳጅ ምርቶች መሸጫ ዋጋ በነበረበት ይቀጥላል ብሏል።

የአውሮፕላን ነዳጅ ዋጋ በአዲስ አበባ በታህሳስ ወር ሲሸጥበት ከነበረው 21 ብር ከ6 ሳንቲም፥ በጥር ወር 40 ሳንቲም ጭማሪ በማድረግ 21 ብር ከ46 ሳንቲም እንደሚሸጥም ሚኒስቴሩ ገልጿል።

በዓለም አቀፍ ገበያ የሚኖረውን የነዳጅ ዋጋ መነሻ በማድረግም እንደ አስፈላጊነቱ የዋጋ ማስተካከያ ሊደረግ እንደሚችል ሚኒስቴሩ በመግለጫው ጠቁሟል።