የኢትዮጵያ አየር መንገድ የ2018 የአፍሪካ ምርጥ አየር መንገድ ተብሎ ተመረጠ

አዲስ አበባ፣ ሐምሌ 12፣ 2010 (ኤፍ.ቢ.ሲ) የኢትዮጵያ አየር መንገድ የአውሮፓውያኑ የ2018 የአፍሪካ ምርጥ አየር መንገድ ተብሎ መመረጡ ተነግሯል።

አየር መንገዱ የአፍሪካ ምርጥ የአየር መንገድነት ሽልማትን በተከታታይ ለሁለተኛ ጊዜ ነው ዘንድሮም ማሸነፍ የቻለው።

ለኢትዮጵያ አየር መንገድ የተበረከተውን ሽልማት የአየር መንገዱ ስራ አስፈፃሚ አቶ ተወልደ ገብረማርያም ባሳለፍነው ማክሰኞ በእንግሊዝ ለንደን በተዘጋጀ ስነ ስርዓት ላይ ተገኝተው ተቀብለዋል።

በዚሁ ወቅትም ዋና ስራ አስፈፃሚው አቶ ተወልደ፥ የኢትዮጵያ አየር መንገድ የአፍሪካ ምርጥ አየር መንገድነት ሽልማትን ሲያሸንፍ ይህ ለሁለተኛ ጊዜ ነው ብለዋል።

ይህም አየር መንገዱ የ2025 እቅዱን ለማሳካት በርትቶ እየሰራ መሆኑን ማረጋገጫ ይሰጣል ያሉት አቶ ተወልደ፥ “ስካይትራክስ” ኩባንያምይህንን እውቅና ለኢትዮጵያ መንገስ ስለሰጠ አመስግነዋል።

የስካይ ትራክስ ዋና ስራ አስፈፃሚ በሽልማቱ ወቅት፥ የኢትዮጵያ አየር መንገድ አሸናፊ ሊሆን የቻለው በተጓዦች ምርጫ ነው ሲሉ ተናግረዋል።

የኢትዮጵያ አየር መንገድ በአሁኑ ወቅት በአፍሪካ ብቻ 55 ከተሞችን መዳረሻ በማድረግ ከ110 ዓላይ የዓለም አቀፍ መዳረሻዎች ጋር በማገኛነት ላይ ይገኛል።

አየር መንገዱ ዘመናዊ የሆኑትን ቦይንግ B787 እና ኤርባስ A350 አውሮፕላኖችን ጭምር በመጠቀም ነው በመስራት ላይ የሚገኘው።

ይህም የአፍሪካ ምርጡ አየር መንገድ እንዲሁን እንዳስቻለው ነው የተነገረው።

ምንጭ፦ www.voice-online.co.uk