አየር መንገዱ አሳና ሌሎች የባህር ውስጥ ምግቦችን ከኖርዌይ ወደ ቻይና ማጓጓዝ ሊጀምር ነው

አዲስ አበባ፣ ነሃሴ 3፣ 2010 (ኤፍ.ቢ.ሲ) የኢትዮጵያ አየር መንገድ ከኖርዌይ ቻይና ቀጥታ የእቃ ጫኝ (ካርጎ) አውሮፕላን በረራ ሊጀምር መሆኑ ተሰምቷል።

አየር መንገዱ ከኖርዌይ ኦስሎ ወደ ቻይናዋ ጉዋንዙ በሚያደርገው በረራም አሳን ጨምሮ የተለያዩ በባህር ውስጥ የሚመረቱ ምግቦችን የሚያጓጉዝ መሆኑ ታውቋል።

አዲስ የሚጀመረው የካርጎ በረራ የኖርዌይ ወደ ምስራቅ እሲያ ሀገራት የምትለከውን በባህር ውስጥ የሚመረቱ ምግቦች ቁጥር እንዲጨምር እንደሚያደርግ የኢትዮጵያ አየር መንገድና የኖርዌይ አውሮፕላን ማረፊያ ተቋም አቨይነር አስታውቀዋል።

የኢትዮጵያ አየር መንገድ ቦይንግ 777-200F የጭነት አውሮፕላን በመጠቀም የተለያዩ በባህር ውስጥ የሚመረቱ ምግቦችን ወደ ደቡባዊ ቻይና እንደሚያጓጉዝ አቨይነር አውሮፕላን ማረፊያ ቃል አቀባይ አስታውቀዋል።

አየር መንገዱ የካርጎ በረራውን በሳምንት አንድ ወይም ሁለት ጊዜ ያደርጋል ተብሎ እንደሚጠበቅም ገልፀዋል።

ምንጭ፦ www.reuters.com