Fana: At a Speed of Life!

ሁዋዌይ በቀጣይ ምርቶቹ ላይ የጎግል መተግበሪያዎችንና አገልግሎቶች እንዳይጠቀም ታገደ

አዲስ አበባ፣ ነሃሴ 29፣ 2011 (ኤፍ.ቢ.ሲ) ግዙፉ የቻይና የኤሌክትሮኒክስ አምራች ሁዋዌይ በቀጣይ መርቶቹ ላይ የጎግል መተግበሪያዎች እና ሌሎች አግልግሎቶችን እንዳይጠቀም መታገዱ ተሰምቷል።

በኩባንያው ላይ ክልከላው የተጣለው አሜሪካ እና ቻይና የገቡበትን የንግድ ጦርነት ተከትሎ አንደሆነም ነው የተነገረው።

በዚህም መሰረት ሁዋዌይ ከዚህ በኋላ የሚያመርታቸው ስማርት ስልኮችም ይሁን ሌሎች የኤሌክትሮኒክስ መገልገያዎች የጎግልን አገልግሎት አያገኙም  ነው የተባለው።

ነገር ግን በአሁኑ ወቅት ተመርተው በገበያ ላይ ያሉ የጎግልን መተግበሪያ እና ሌሎች አገልግሎቶች የሚጠቀሙ የሁዋዌይ ስማርት ሰልኮች በየጊዜው አስፈላጊውን የሶፍት ዌር ማሻሻያዎቸን ያገኛሉ ነው የተባለው።

ሁዋዌይ የጎግልን አገልግሎቶች እንዳይጠቀም መከልከሉን ተከትሎ ከዚህ በኋላ ተመርተው ለገበያ የሚቀርቡ ስማርት ስልኮች አንድሮይድ ኦፕሬቲንግ ሲስተም ጨምሮ እንደ ጎግል ፕሌይ ስቶር፣ ጎግል ማፕስ፣ ዩትዮብ እና ሌሎች የጎግል መተግበሪያዎችን የሌላቸው ይሆናሉ።

የአሜሪካ እና የቻይና የንግድ ጦርነትን ተከትሎ አጣብቂኝ ውስጥ የገባው ሁዋዌይ ኩባንያም ለቀጣይ ስማርት ስልኮቹ እና ሌሎች መገልገያዎቹ አማራጮችን በማዘጋጀት ላይ አንደሆነ ተሰምቷል።

ከእነዚህም ውስጥ አንዱ በራሱ ያበለፀደው “ሀርሞኒ ኦፕሬቲንግ ሲስተም” መሆኑ ይታወቃል።

“ሆንግሜንግ” ወይም በእንግሊዘኛ መጠሪያው “ሀርሞኒ” የተባለውን ኦፕሬቲንግ ሲስተሙን በደቡብ ቻይና ጉዋንዶንግ ግዛት ጎንጉዋን ከተማ በተካሄደ ኮንፍረንስ ላይ ነበር ይፋ የተደረገው።

ሁዋዌይ አሁን ይፋ ያደረገው አዲሱ ኢፕሬቲንግ ሲስተም ከአንድሮይድ እና አይ.ኦ.ኤስ ኦፕሬቲንግ ሲስተሞች የተለየ መሆኑም ተነግሯል።

ሁዋዌይ ሌላኛው አማራጭ ደግሞ በሩሲያ የበለፀገው አውሮራ የተባለው ኦፕሬቲንግ ሲስተም ሊሆን እንደሚችልም ተገምቷል።

ምንጭ፦ www.techworm.net

You might also like

Leave A Reply

Your email address will not be published.