Fana: At a Speed of Life!

ሁዋዌ የጎግል መተግበሪያዎችን የማይጠቀም አዲስ ዘመናዊ ስልክ ይፋ አደረገ

አዲስ አበባ፣ መስከረም 9፣ 2012 (ኤፍ ቢ ሲ) ግዙፉ የቻይና የኤሌክትሮኒክስ አምራች ኩባንያ ሁዋዌ የጎግል መተግበሪያዎችን የማይጠቀም አዲስ ዘመናዊ ስልክ ይፋ አድርጓል።

ሁዋዌ ቻይና ከአሜሪካ ጋር የንግድ ጦርነት መግባቷን ተከትሎ በቀጣይ ምርቶቹ ላይ የጎግል መተግበሪያዎች እና ሌሎች አገልግሎቶችን እንዳይጠቀም መታገዱ  ይታወሳል።

በዚህም ምክንያት ሁዋዌ  የጎግል መተግበሪያዎችን ሊተኩ የሚችሉ ሌሎች አዲስ አማራጮችን መስራት መጀመሩን አስታውቆ ነበር።

አሁን ላይም ኩባንያው የጎግል መተግበሪያዎችን የማይጠቀም “ሁዋዌ ሜት 30“የተሰኘ አዲስ ዘመናዊ ስልክ መስራቱን ይፋ አድርጓል።

አዲሱ ስማርት ስልክ ዩ ቲዩብ፣ ጅሜይል፣ ጎግል ማፕና ፕሌይ ስቶርን የመሳሰሉ የጎግል መተግበሪያዎች የሌሉት መሆኑ ተገልጿል።

በአንፃሩ ስልኩ እነዚህን የጎግል መተግበሪያዎች የሚተኩ አማራጮች የተጫኑበት መሆኑም ነው የተገለጸው።

በቀጣይ የጎግል መተግበሪያዎችን በጥሩ ሁኔታ የሚተኩና ከሁዋዌ ምርት ጋር የሚጣጣሙ መተግበሪያዎችን ለማበልጸግ እየሰራ መሆኑንም ኩባንያው አስታውቋል።

ምንጭ፦ ቢቢሲ

You might also like

Leave A Reply

Your email address will not be published.