Fana: At a Speed of Life!

ሲጋራ ማጨስ ሴት ጾታ ያላቸው ፅንሶች ዕድገት ላይ ከፍተኛ ጉዳት ያስከትላል – ጥናት

አዲስ አበባ፣ መስከረም 9፣ 2012 (ኤፍ ቢ ሲ) ሲጋራ ማጨስ ሴት ጾታ ባላቸው ፅንሶች ዕድገት ላይ ከፍተኛ ጉዳት እንደሚያስከትል አንድ ጥናት አመላክተ።

በእርግና ወቅት ሲጋራ ማጨስ በእናቶች ላይም ሆነ በፅንሱ ላይ ጉዳት የሚያስከትል መሆኑ ይታወቃል።

በሲግሊ ስቴት ሆስፒታል የተካሄደው ጥናት እንዳመላከተው ደግሞ ሲጋራ ማጨስ ሴት ጾታ ያላቸው ፅንሶች ዕድገት ላይ ከፍተኛ ጉዳት ያስከትላል።

ትምባሆ የሴት ጾታ ያላቸውን ፅንሶች ለይቶ የሚያጠቃ መርዛማ ንጥረ ነገር እንዳለውም በጥናቱ ተመላክቷል።

ይህም በማህፀን ውስጥ ሴት ጾታ ያላቸው ፅንሶች ዕድገት ላይ አሉታዊ ተፅዕኖ የሚፈጥር መሆኑ ነው የተገለጸው።

ድርጊቱ ጤናማ የሆነ የፅንስ ዕድገት ከማስተጓጎል ባለፈ ያለጊዜው እንዲቋርጥ የሚያደርግ መሆኑም ተገልጿል።

በሌላ በኩል ሲጋራ ማጨስ እናቶች በእርግዝና ወቅት የሚያመነጩትን ሆርሞን መጠን በከፍተኛ ሁኔታ በመቀነስ ለመኻንነት ሊዳርግ እንደሚችልም በጥናቱ ተመላክቷል።

 

ምንጭ፦ ደይሊ ሜይል

You might also like

Leave A Reply

Your email address will not be published.