Fana: At a Speed of Life!

በሀገር አቀፍ ደረጃ ጥቅምት 15 10 ሺህ ዩኒት ደም ለመሰብሰብ ታቅዷል

አዲስ አበባ ፣ መስከረም 15 ፣ 2012 (ኤፍ ቢ ሲ) በሀገር አቀፍ ደረጃ ጥቅምት 15 ቀን 2012 ዓ.ም 10 ሺህ ዩኒት ደም ለመሰብሰብ መታቀዱን የጤና ሚኒስትር ዶክተር አሚር አማን አስታወቁ፡፡

”ህይወት ለህይወት ፥ ደም ለግሰን ሕይወት እናድን” በሚል መሪ ቃል ጥቅምት 15 ቀን 2012 ዓ.ም በመላ ሃገሪቱ የደም ልገሳ መርሃ ግብር ይካሄዳል ተብሏል፡፡

በብሔራዊ ደረጃ የሚከበረው የደም ልገሳ ቀን የደም ማስተላለፍ ህክምና በኢትዮጵያ የተጀመረበትን 50ኛ ዓመት በማስመልከት የተዘጋጀ መሆኑ ተጠቁሟል፡፡

ጥቅምት 15 ቀን 2012 ዓ.ም 100 ሺህ ቋሚ ደም ለጋሾችን ለመመዝገብ እንዲሁም 300 ሺህ ቋሚ ደም ለጋሾችን በአንድ ወር ጊዜ ውስጥ ለመመዝገብ እና በቀጣይነት ደም እንዲለግሱ ለማበረታታት እቅድ ተይዟል፡፡

በእለቱም ቋሚ የደም ለጋሾችን ሙሉ መረጃ የሚይዝ እና ደም ከተለገሰ በኃላ የምስጋና መልዕክት ፣ የደም ምርመራ ውጤት ፣ የተለገሰው ደም ለህመምተኛ ለመለገስ ወደ ሆስፒታል ሲሄድ እና የሶስት ወር ማስታወሻ መልዕክቶችን በስልክ የሚልክ የኮምፒውተር ሲስተም በአገር አቀፍ ደረጃ ይፋ እንደሚሆን ሚኒስትሩ ገልፀዋል፡፡

You might also like

Leave A Reply

Your email address will not be published.