Fana: At a Speed of Life!

በአልዛይመር በሽታ የሚጠቁ ሰዎች ቁጥር በቀጣይ 20 ዓመታት ውስጥ በእጥፍ ሊጨምር ይችላል-ጥናት

አዲስ አበባ፣ መስከረም 12፣2012 (ኤፍ.ቢ.ሲ) በአልዛይመር በሽታ የሚጠቁ ሰዎች ቁጥር በቀጣይ 20 ዓመታት ውስጥ በእጥፍ ሊጨምር እንደሚችል አንድ ጥናት አመላከተ።

የአልዛይመር በሽታ ቀስ በቀስ የአዕምሮን የማስታወስ ችሎታ በማሳጣት ሰዎች የዕለት ተዕለት ተግባራትን የመፈጸም አቅማቸውን የሚያስተጓጉል በሽታ ነው።

ከዚህ ለፈም አልዛይመር  የአዕምሯችን የማገናዘብና የማሰላሰል እቅም በመቀነስ የመማር ችሎታን፣ ለቋንቋ ክህሎቶች ችግር ፣ ለማቀድ ችሎታ ማነስ፣ለባህርይ መቀያየር እና ለተለያዩ ችግሮች ይዳርጋል ።

በዓለም በየዓመቱ 4 ነጥብ 6 የሚሆኑ ዜጎች በአልዛይመር ወይም በመርሳት በሽታ  የሚጠቁ መሆኑን መረጃዎች ያመላክታሉ።

በአሁኑ ወቅትም በዓለም አቀፍ ደረጃ 50 ሚሊየን የሚደርሱ ዜጎች በአልዛይመር በሽታ የተጠቁ መሆኑን በአንካራ ዩኒቨርሲቲ የተካሄደ አንድ ጥናት አመላክቷል ።

በቀጣይ 20 ዓመታት ውስጥም በዚህ በሽታ የሚጠቁ ሰዎች ቁጥር በእጥፍ ሊጨምር እንደሚችል በጥናቱ ተመላክቷል።

በዚህ መሰረትም እንደ አውሮፓውያን አቆጣጠር 2040 ላይ በበሽታው የሚያዙ ዜጎች ቁጥር ከ80 ሚሊየን በላይ ሊያሻቅብ ይችላል።

ስለሆነም ዜጎች የአልዛይመር በሽታ ምልክቶች የሚስተዋሉባቸው ከሆነ የአዕምሮ ጤናን ማሻሻል የሚችሉ የተለያዩ ምርመራዎችን ማድረግ እንደሚጠበቅባቸው ተጠቁሟል።

ምንጭ፦አናዶሉ

You might also like

Leave A Reply

Your email address will not be published.