Fana: At a Speed of Life!

በአማራ ክልል የመቀንጨር ምጣኔ ከ46 ነጥብ 3 በመቶ ወደ 41 ነጥብ 3 ዝቅ ብሏል

አዲስ አበባ፣ መስከረም 6፣ 2011(ኤፍ ቢ ሲ) በአማራ ክልል ያለው የህጻናት መቀንጨር ምጣኔ ከ46 ነጥበ 3 በመቶ ወደ 41 ነጥብ 3 በመቶ ዝቅ ማለቱን የስነ ህዝብና ጤና ጥናት አመላከተ።

የምግብ ሸንጎ  ፎረም  በክልል ደረጃ ለመጀመሪያ ጊዜ በባህር ዳር ከተማ  እየተካሄደ ነው ።

በውይይቱ የክልሉ መንግስት  ከፍተኛ የስራ ሃላፊዎችና የምግብ ሸንጎ ሃላፊዎች እየተሳተፉ ይገኛሉ።

በውይይቱ የመክፈቻ ንግግር ያደረጉት የክልሉ ርዕሰ መስተዳድር የህግ አማካሪ አቶ መርሃፅድቅ መኮንን ምግብ የአንድ ሀገር የህልውና ጉዳይ መሆን አብራርተዋል።

በክልሉ ያለውን የመቀንጨር  ችግር ለመፍታት እና ያለውን ምግብ የተመጣጠነ ለማድረግ  ሁሉም ባለድርሻ አካላት የበኩላቸውን አስተዋፅኦ እንዲያበረከቱም ጥሪ አቅርበዋል።

የምግብ ሸንጎ ሀሳብ አመንጪና የኢትዮጵያ ስኩል ኤኒሼቲቭ ሃላፊ ወ/ሮ ፍሬዓለም ሽባባው በበኩላቸው፥ የአማራ ክልል ለግብርና ምቹ እና ከአጠቃላይ ሀገራዊ የሰብል ምርት ውስጥ 30 በመቶ የሚሆነውን እንደሚያበረክት አንስተዋል።

ይሁን እንጂ በክልሉ ያለው የህፃናት መቀንጨር ምጣኔ 46 ነጥብ 3 በመቶ ሆኖ መቆየቱን ነው ያስታወሱት።

እንደ አውሮፓውያን አቆጣጠር 2019 በተካሄደ የስነ ህዝብና ጤና ጥናት መሰረት ባለድርሻ አካላት ባከናወኑት የተቀናጀ ስራ በክልሉ የመቀንጨር ምጣኔ ከነበረበት 46 ነጥብ 3 በመቶ ወደ 41 ነጥብ 3 በመቶ ዝቅ ማለቱም ተመላክቷል።

በናትናኤል ጥጋቡ

You might also like

Leave A Reply

Your email address will not be published.