Fana: At a Speed of Life!

በኢራቅ በተቀሰቀሰው ተቃውሞ የሞቱት ሰዎች 93 ደረሰ

አዲስ አበባ፣ መስከረም 24፣ 2012 (ኤፍ.ቢ.ሲ) በኢራቅ ዋና ከተማ ባግዳድና አከባቢዋ አምስት ቀናትን ባስቆጠረው ታቀውሞ የሞቱት ሰዎች 93 መድረሳቸውን የሰብዓዊ መብት ኮሚሽን አስታወቀ፡፡

በኢራቅ የተለያዩ ክፍሎች የሀገሪቱን መንግስት በመቃውም ተቃውሞ ከተቀሳቀሰ አምስት ቀናትን እንዳስቆጠረ የሚታወስ ነው፡፡

በዚህ ታቃውሞ በርከት ብለው በመሳተፍ ላይ የሚገኙት ወጣቶች ሲሆኑ  ሙስናን ፣ ስራ አጥነትን እና ዝቅተኛ መንግስት አገልግሎትን በመቃወም ነው ተቃውሟቸውን እያሰሙ የሚገኙት፡፡

የጸጥታ ሀይሎችም  ተቃዋሚዎችን ለመበተን አስለቃሽ ጪስ፣ ውሃ እና የተለያዩ መሳሪዎችን የተጠቀሙ ሲሆን በዚህም በርካቶቹ ሲሞቱ በመቶች የሚቆጠሩ ደግሞ ቆስለዋል፡፡

ይህንንም ተከትሎ በሀገሪቱ ከፍተኛ ውጥሪት መንገሱ የተነገረ ሲሆን የመንግስት የስራ ሃላፊዎችም ተቃዋሚዎች እርስ በእርስ  እንዳይገናኙና መረጃዎችን እንዳያሰራጩ ኢንተርኔት ማቋረጣቸው ተጠቁሟል፡፡

ወደ ሀላፊነት ከመጣ አንድ ዓመት ብቻ ለሆነው ለአብዱል ማሃዲ መንግስት በሀገሪቱ የተቀሰቀሰው ተቃውሞ ከፍተኛ ፈተና እንደሆነባቸው ነው የተነገረው፡፡

ጠቅላይ ሚኒስትር አዴል አብዱል ማሃዲ በመንግስታቸው ላይ የተቀሰቀሰውን ታቀውሞ ለማስቆም በባግዳድ እና በሌሎች ከተሞች ላይ የሰዓት እላፊ መጣላቸው ተጠቁሟል፡፡

ምንጭ፡- አልጀዚራ

You might also like

Leave A Reply

Your email address will not be published.