Fana: At a Speed of Life!

በደሴ ከተማ አስተዳደርና በአዋሽ ኮምቦልቻ ሃራ-ገበያ የባቡር ፕሮጀክት አስተባባሪነት የእግር ጉዞ ተካሄደ

አዲስ አበባ፣ መስከረም 25፣ 2012(ኤፍ ቢ ሲ) በደሴ ከተማ አስተዳደርና በአዋሽ ኮምቦልቻ ሃራ-ገበያ የባቡር ፕሮጀክት አስተባባሪነት በዛሬው ዕለት የ3 ነጥብ 5 ኪሎ ሜትር የእግር ጉዞ ተካሂዷል።

ለአራተኛ ጊዜ በተካሄደው በዚህ የእግር ጉዞ ከከተማ አስተዳድሩ፣ ከአዋሽ ኮምቦልቻ ሃራ-ገበያ የባቡር ፕሮጀክት እና ከኢትዮጵያ ምድር ባቡር ኮርፖሬሽን የተውጣጡ 1ሺህ 500 የሚሆኑ ሰዎች ተሳትፈዋል።

የጤና ጉዞ የሚል ስሜ የተሰጠው ይህ የእግር ጉዞ መነሻውን ደሴ ከተማ በማድረግ ጦሳ ተራራ ጫፍ ላይ የተጠናቀቀ መሆኑ ተገልጿል።

የእግር ጉዞው በአዋሽ ኮምቦልቻ ሃራ-ገበያ የባቡር ፕሮጀክት ሰራተኞች መካከል ጥሩ መስተጋብር እና የሥራ መንፈስ ለመፍጠር ያለመ መሆኑ ነው የተገለጸው።

ከዚህ ባለፈም በፕሮጀክቱ ሰራተኞች እና በአካባቢው ነዋሪዎች መካከል መልካም የሆነ መቀራረብና አብሮ ለመስራት የሚያስችል ግንኙነት ለመፍጠር ያለመ መሆኑ ተገልጿል።

የእግር ጉዞው መዳረሻ በሆነው በጦሳ ተራራ ጫፍ ላይም የተለያዩ ስፖርታዊ እንቅስቃሴዎችና የሰርከስ ትርዒቶች ተከናውነዋል።

በፍሬህይወት ሰፊው

You might also like

Leave A Reply

Your email address will not be published.