Fana: At a Speed of Life!

በዶኃ አትሌቲክስ ሻምፒዮና የኢትዮጵያ ማራቶን አትሌቶች ለ3 ወር ከውድድር ተከለከሉ

አዲስ አበባ፣ መስከረም 20 2012 (ኤፍ.ቢ.ሲ) በ17ኛው የዶኃ አለም አትሌቲክስ ሻምፒዮና የተወዳደሩ የኢትዮጵያ አትሌቶች ለሶስት ወር ከማንኛውም ውድድር ውጭ እንዲሆኑ ተወሰነ።

የፌዴሬሽኑ አመራር ባሳለፈው ውሳኔ መሰረት በዶኃ አትሌቲክስ ሻምፒዮና በማራቶን የተወዳደሩ የኢትዮጵያ አትሌቶች በሙሉ ናቸው ለሶስት ወራት ከውድድር ውጭ እንዲሆኑ የተደረገው።

በፌዴሬሽኑ ውሳኔ መሰረትም አትሌቶቹ ጤንነትና ለአስተዳደራዊ አሰራር ሲባል ከ3 ወር በፊት ምንም አይነት ውድድር ማድረግ የለባቸውም።

ይህንን ውሳኔ የሚመለከታቸው ሁሉ እንዲያከብሩ በጥብቅ ፌዴሬሽኑ አሳስቧል።

ውሳኔውን መተላለፍ ከበድ ያለ እርምጃ እንደሚያስከትልም ከኢትዮጵያ አትሌቲክስ ፌዴሬሽን ያገኘነው መረጃ ያመለክታል።

You might also like

Leave A Reply

Your email address will not be published.