Fana: At a Speed of Life!

ተሰፋ የተጣለበት የካንሰር መድሃኒት ጥቅም ላይ ሊውል ነው

አዲስ አበባ፣ መስከረም 14፣ 2012 (ኤፍ.ቢ.ሲ) ተስፋ የተጣለበት እና ካንሰርን ማከም ይችላል የተባለ መድሃኒት ለመጀመሪያ ጊዜ በአውሮፓ ጥቅም ላይ አንዲልው ፍቃድ ተሰጥቶታል።

በመድሃኒቱ ላይ ሙከራ በማድረግ ላይ የሚገኙ የብሪታኒያ ዶክተሮች፥ አዲሱ የካንሰር መድሃኒት በጣም አስገራሚ ነው ሲሉ ገልፀዋል።

መድሃኒቱ ካንሰርን የማከም እና የማዳን አቅም አለው ያሉት የብሪታኒያ ዶክተሮች፥ ከካንሰር ጋር ተያይዘው የሚመጡ የጎንዮሽ ጉዳቶችንም ይቀንሳል ብለዋል።

በአውሮፓ ሀገራት በጥቅም ላይ እንዲውል ፍቃድ ያገኘው መድሃኒትም “ላሮትሬክቲኒብ (larotrectinib) የሚል መጠሪያ የተሰጠው መሆኑም ታውቋል።

በአሁኑ ወቅት የ2 ዓመቷ የበዘረመል መዛባት ምክንያት በሚመጣ ካንሰር ተጠቂ ቻርሎት ስቴቭሰን መድሃኒቱን በመጠቀም በርካታ ለውጦችን እያመጣች መሆኑ ተነግሯል።

የቻርሎት ስቴቭሰን እናት ኢስተር እንደተናገረችው፥ “በወቅቱ ምንም አማራጭ አልነበረንም ስለዚህ ልጃችን መድሃኒቱን እንድትሞክር አደረግን፤ አሁን ግን ፈጣሪ ምስጋና ይግባውና ፈጣን ለውጦችን እና አካላዊ እድገቶችን እያመጣች ነው” ብላለች።

የብሪታኒያ ሮያል መርሰደን ሆስፒታል የህፃናት ካንሰር አማካሪ ዶክተር ጁሊያ ቺሽሎም፥ መድሃኒቱ በርካታ አይነት የካንሰር ህመሞችን በመፈወሱ በጣም አስገራሚ ነው ብለዋል።

አዲሱ የካንሰር መድሃኒት ይህንን ያክል ተስፋ ማሳየቱን ተከትሎ የአውሮፓ የመድሃኒት አስተዳደር አካላት መድሃኒቱ ጥቅም ላይ መዋል ይችላል ሲሉ ፈቃድ መስጠታቸው ነው የተነገረው።

ይህንን ተከትሎም መድሃኒቱ በያዝነው ዓመት በብሪታንያ ለሚገኙ ህሙማን በመቀጠልም በሌሎች የዓለም ሀገራት ለሚገኙ ህሙማን እንዲደርስ ይሰራል ነው የተባለው።

ምንጭ፦ www.bbc.com

You might also like

Leave A Reply

Your email address will not be published.