Fana: At a Speed of Life!

ቱርክ በሰሜን ሶሪያ ወታደራዊ ዘመቻ ልታካሂድ ነው

አዲስ አበባ፣ መስከረም 25፣ 2012(ኤፍ ቢ ሲ) ቱርክ በሰሜን ሶሪያ የሚንቀሳቀሱ የሽብር ቡድኖችን ለመደምሰስ የሚያስችል ወታደራዊ ዘመቻ ልታካሂድ መሆኑን አስታውቃለች።

የሀገሪቱ ፕሬዚዳንት ረሲፕ ጣይብ ኤርዶሃን በቀጠናው የሚንቀሳቀሱ የሽብር ቡድኖችን ለማስወገድ የሚያስችል ወታደራዊ ዘመቻ በየትኛውም ጊዜ ሊካሄድ የሚችል መሆኑን ተናግረዋል።

ፕሬዚዳንቱ ይህንን ያሉትም አሜሪካ በቱርክ ድንበር አቅራቢያ የሚንቀሳቀሱ የኩርዲሽ ታጣቂዎችን በተባለው ጊዜ ማስወጣት በለመቻሏ ነው ተብሏል።

በምስራቅ ኤፍራጥስ ወንዝ አካባቢ የሚካሄደው ይህ የፀረ ሽብር ዘመቻ በአየር ሃይልና በምድር ጦር የሚታገዝ መሆኑን ፕሬዚዳንቱ አስታውቀዋል።

በቀጠናው የሚንቀሰቃሱት በአሜሪካ እንደሚደገፉ የሚነገርላቸው እና በዋ ፒ ጄ የሚመሩት የሶሪያ ዲሞክራሲያዊ ሃይሎች በበኩላቸው፥ ከቱርክ የሚቃጣን ማንኛውም ጥቃት ለመመከት ዝግጁ መሆናቸውን አስታውቀዋል።

ሰላምና መረጋጋት እንፈልጋለን ያሉት ታጣቂዎቹ፥ ይሁን እንጂ የሀገራቸውን ድንበርና የህዝባቸውን ሰላምና ደህንነት ለማስከበር አስፈላጊውን አጸፋዊ እርምጃ የሚወስዱ መሆኑንም ጠቁመዋል።

የኔቶ አባል ሀገራት የሆኑት አንካራና ዋሽንግተን በሳለፍነው ነሃሴ ወር ላይ በሰሜ ሶሪያ ከጦርነት ነፃ ቀጠና ለመመስረት ስምምነት ላይ ደርሰው የነበረ መሆኑ ይታወሳል።

ምንጭ ፥ሬውተርስ

You might also like

Leave A Reply

Your email address will not be published.