Fana: At a Speed of Life!

ከመሞት በኋላ የሰው አካል ከዓመት በላይ እንደሚንቀሳቀስ ጥናት አመለከተ

አዲስ አበባ፣ መስከረም 8፣ 2012 (ኤፍ.ቢ.ሲ)  በርካቶች ሰው ከሞተ በኋላ በሰላም ያርፋል የሚል አመለካከት እንዳላቸው ቢያምኑም አዲሱ ግኝት ግን ከሞት በኋላ የሰው አካል  ከፍ ባለሁኔታ ከነበረበት ስፍራ እንደሚንቀሳቀስ አመልክቷል፡፡

መቀመጫቸውን አውስትራሊያ ያደረገው እና የሰው ቅሬታ አካል ጥናት የሚያደርግ ተቋም በየሰዓቱ የሚፈጠር ለውጥን የሚመዘግብ ካሜራን በርካታ የሰው አካል በሚገኝበት ስፋራ በማስገጠም ለ17 ወራት ክትትል አድርጓል፡፡

በተካሄደው የክትትል ስራ የሞተው ሰው አካል እንቅስቃሴ ሲያደርግ መመልከት እንደተቻለ ነው የተነገረው፡፡

ተመራማሪዎቹ የሰው ክንድ በከፍተኛ ሁኔታ እንቅስቃሴ ሲያደርግ እንደነበረ የገለፁ ሲሆን  ይህ ክንድም ከሰውየ አካል ተነጥሎ ሌላ ቦታ የሚገኝበት አጋጣሚ ተፈጥሯል ብለዋል፡፡

ከሞተ በኋላ የሰው አካል በጥቂቱ እንቅስቃሴ እንደሚያደርግ የሚጠበቅ ቢሆንም በተካሄደው ቀረፃ ግን የሰው አካል ለረጅም ጊዜ እንቅስቃሴ ሲያደርግ መቆየቱ ተጠቁሟል፡፡

ይህ አጋጣሚም ለተደበቁና ለበርካቶች እንቆቅልሽ ለሆኑ ሞቶች ምላሽ ለመስጠት ወሳኝ መሆኑ ነው የተገለፀው፡፡

ውጤቱ በወንጀሎች ላይ የሚደረግን ምርመራ እና አተረጓገም የሚቀይር ነው የተባለ ሲሆን በተለይ የሞተ የሰው አካል ለተወሰነ ጊዜ ሳይገኝ ሲቀር

አስፈላጊ አሰራር ነው ተብሏል፡፡

የሰው አካል ከነበረበት ስፍራ ርቆ ሌላ ቦታ ላይ ሲገኝ በርካቶች በእንስሳት ወይንም በሰው እንደተንቀሳቀሰ ያስባሉ ይህ ጥናት ግን ነባሩን አመለካከት መፈተሸ እንደሚገባ አሳይቷል፡፡

በተለይ የፎሮንሲክ ባለሙያዎች የሞተ የሰው አካል ከነበነበት ቦታ ወደ ሌላ ቦታ ይንቀሳቀሳል የሚል አመለካከት እንዳልነበራቸው ተጠቁሟል፡፡

ምንጭ፡- sciencealert.com

You might also like

Leave A Reply

Your email address will not be published.