Fana: At a Speed of Life!

ወይዘሮ ሙፈሪያት ካሚል የጀርመን ፓርላማ አባልን ተቀብለው አነጋገሩ

አዲስ አበባ፣ መስከረም 23፣ 2012 (ኤፍ.ቢ.ሲ) የኢፌዴሪ የሰላም ሚኒስትር ወይዘሮ ሙፈሪያት ካሚል የጀርመን ፓርላማ አባል ማርቲን ሹልዝ ተቀብለው አነጋገሩ ።
ወይዘሮ ሙፈሪያት በኢትዮጵያ ፖለቲካ፣ ኢኮኖሚ እና ማህበራዊ ዘርፍ በርካታ ለውጦች እንደተደረጉ እና በተካሄደው ለውጥ ሀገሪቱ ውጤታማ እንደሆነች ማብራሪያ ሰጥተዋል።
 
የኢፌዴሪ የሰላም ሚኒስቴር የሀገሪቱን ሰላም ማስፈን ላይ ትኩረት አድርጎ እየሰራ እንደሚገኝም አስረድተዋል።
 
የጀርመን መንግስት ሰላማዊ በሆነ መልኩ ሰላም በማስፈን ያለውን ልምድ ለኢትዮጵያ እንዲያጋራ ጠይቀዋል።
 
የጀርመን ፓርላማ አባል ማርቲን ሹልዝ በበኩላቸው አሁን ላይ በኢትዮጵያ እየታየ ያለውን ለውጥ አድንቀዋል።
 
ሀገራቸው ከኢትዮጵያ መንግስት ጋር በትብብር ለመስራት ያላትን ፍላጎት ገልፀዋል።
 
የኢትዮጵያ መንግስት ሰላም ማስፈን ላይ ትኩረት አድርጎ ሊሰራ እንደሚገባም አሳስበዋል።
 
በቀጣዩ የኢትዮጵያ ምርጫ እና ኢህአዴግ ሊያደርገው ባሰበው ውህደት እና በሥራ ዕድል ፈጠራ ላይ ከሰላም ሚነስተሯ ጋር ውይይት አድርገዋል።
 
በቀጣይም ሁለቱ ሀገራት ሰላምን ከማስፈን እና በሌሎች መስኮችም በጋራ ለመስራት ስምምነት ላይ መድረሳቸውን ከሰላም ሚኒስቴር ያገኘነው መረጃ ያመላክታል።
You might also like

Leave A Reply

Your email address will not be published.