Fana: At a Speed of Life!

የመድሃኒቶችን ጥራትና የጎንዮሽ ጉዳት ሪፖርት ማድረግ የሚያስችል መተግበሪያ ይፋ ሆነ

አዲስ አበባ፣ መስከረም 12፣2012 (ኤፍ.ቢ.ሲ) የኢትዮጵያ መድሃኒት ቁጥጥር ባለስልጣን የመድሃኒት ጥራት እና ደህንነትን ለማስጠበቅ እንዲሁም የጎንዮሽ ጉዳት ሪፖርት ማድረግ የሚያስችል መተግበሪያ ይፋ አድርጓል።

ባለስልጣኑ የመድሃኒት ጥራት እና ደህንነትን ለማስጠበቅ ከሚሰራቸው ስራዎች መካከል የመድሃኒቶችን ልዩ የሆነ የጎንዮሽ ጉዳት መቆጣጠር  አንዱ መሆኑ ይታወቃል።

ይህንን ሂደት በትክክል ለማከናወንና ለመቆጣጠርም ወቅታዊ የመድሃኒቶችን የጎንዮሽ ጉዳት ሪፓርት ማወቅ አስፈላጊ ነው።

ሪፖርቱን ዘመናዊና በተቀላጠፈ መልኩ ለሚመለከተው አካል ተደራሽ ለማድረግም አዲስ የኤሌክትሮኒክ ሪፓርት ማድረጊያ እና ሜድሴፍቲ የተሰኘ የሞባይል መተግበሪያ ይፋ ተደርጓል።

የአለም የጤና ድርጅት የመድሃኒቶች የጎንዮሽ ጉዳት ሪፓርት ለ100 ሺህ ሰዎች 200 መሆን  እንዳለበት እንዳለበት ያስቀምጣል

በዚህ መሰረትም በኢትዮጵያ ካለው ህዝብ ብዛት አንፃር 20 ሺህ ሪፓርት የሚጠበቅ መሆኑ ተመላክቷል።

ይሁን እንጂ በ2011 ዓ.ም ማግኘት የተቻለው የመድሃኒቶች የጎንዮሽ ጉዳት ሪፓርት 1ሺህ 400 ብቻ መሆኑ ነው የተገለጸው።
በዛሬው  ዕለት የተመረቀው የኤሌክትሮኒክ ሪፓርት ማድረጊያ እና የሞባይል መተግበሪያ ይህንን የሪፓርት ችግር በእጅጉ ይቀርፋል ተብሎም ይጠበቃል።
የጤና ባለሙያዎችም ይህንን የሞባይል መተግበሪያ በመጠቀም ሪፓርት በማድረግ የመድሃኒት ጥራትና ቁጥጥር ለማጠናከር እንዲያግዙ የጤና ሚኒስቴር ጥሪ አቅርቧል።

የኤሌክትሮኒክስ ሪፓርት ማድረጊያ የመድሃኒት ቁጥጥር ባለስልጣን ድረ ገፅ www.fmhaca.gov.et ላይ የሚገኝ ሲሆን፥ ለሞባይል መተግበሪያው ለአይፎን ስልክ ተጠቃሚዎች አኘስቶር ላይ ለአንድሮይድ ስልክ ተጠቃሚዎች ድግሞ ፕለይ ስቶር ላይ የሚገኝ መሆኑ ተመላክቷል።

You might also like

Leave A Reply

Your email address will not be published.