Fana: At a Speed of Life!

የስትሮክ ተጋላጭነትን የሚጨምረው የአልኮል መጠጥ

አዲስ አበባ፣ መስከረም 7፣ 2012 (ኤፍ.ቢ.ሲ) አልኮል መጠጥ በሰው ልጅ ጤና እና ማህበራዊ ህይወት ላይ ከፍተኛ ጉዳት እንደሚያደርስ ይታወቃል።

ተመራማሪዎች በቅርቡ ባወጡት የጥናት ውጤት ደግሞ በማንኛውም መጠን የሚወሰድ አልኮል መጠጥ ወደ አእምሯችን የሚገባ ደም በመቋረጥ ለሚከሰተው የስትሮክ በሽታ ተጋላጭነትን ከፍ ያደርጋል ብለዋል።

ይህም በማንኛውም ደረጃ የሚወሰድ የአልኮል መጠጥ የደም ግፊትን ከፍ በማድረግ የስትሮክ ወይም ወደ ጭንቅላት ሊደርስ የሚገባው የደም ፍሰት መቀነስ ወይም መቋረጥ ተጋላጭነትን ከፍ ያደርጋል ብለዋል ተመራማሪዎቹ።

የብሪታኒያ እና የቻይና ተመራማሪዎች በ500 ሺህ ቻይናውያን ላይ ለ10 ዓመታት ያካሄዱትን ጥናት ተከትሎ ያገኙት ውጤት ላይ ተመርኩዘው ነው ይህንን ያሉት።

እንደ ተመራማሪዎቹ ገለፃ በቀን አንድ ብርጭቆ አልኮል መጠጣት ለስትሮክ ወይም ወደ ጭንቅላት ሊደርስ የሚገባው የደም ፍሰት መቀነስ ወይም መቋረጥ የመጋለጥ እድልን ከፍ ያደርጋል።

እንደ ተመራማሪዎቹ ገለጻ፦

በቀን አንድ እስከ ሁለት ብርጭቆ አልኮል መጠጣት ለስትሮክ የመጋለጥ እድልን ከ10 እስከ 15 በመቶ ከፍ ያደርጋል።

በቀን አራት ብርጭቆ የአልኮል መጠጥ መጠጣት ለስትሮክ የመጋለጥ እድልን በ35 በመቶ ከፍ ያደርጋል።

ከኦክስፎርድ ዩኒቨርሲቲ፣ ከፔኪንግ ዩኒቨርሲቲ እና ከቻይና ሜዲካል አካዳሚ የተውጣጡት ተመራማሪዎች እንዳስታወቁት ከሆነ፥ ሰዎች ጤናቸውን ለመጠበቅ ሲባል ከመጠጥ ቢርቁ አሊያም የአልኮል አወሳሰዳቸውን ቢገድቡ መልካም ነው ብለዋል።

ምንጭ፦ www.bbc.com

You might also like

Leave A Reply

Your email address will not be published.