Fana: At a Speed of Life!

ጎግል በአውሮፓ ያሉትን ማዕከላት ለማስፋፋት ከ3 ቢሊየን ዶላር በላይ በጀት ሊመድብ ነው

አዲስ አበባ፣ መስከረም 12፣2012 (ኤፍ.ቢ.ሲ) ጎግል በአውሮፓ ያሉትን የመረጃ ማዕከላት ለማስፋፋት የሚውል 3 ነጥብ 3 በሊየን ዶላር በጀት ሊመድብ መሆኑን አስታውቋል።

የማስፋፋፊያ ግንባታ ፕሮጀክቱም በቀጣይ ሁለት ዓመታት ውስጥ ተግባራዊ የሚደረግ መሆኑን ኩባንያው አስታውቋል።

ይህም በየዓመቱ በአውሮፓ ሀገራት ለሚገኙ 13 ሺህ ዜጎች ቋሚ የስራ ዕድል ለመፍጠር የሚያስችል መሆኑ ተመላክቷል።

ከዚህ ባለፈም ፕሮጀክቱ በሀገራቱ ያለውን የበይነመረብ  አጠቃቀም ደህንነቱ የተጠበቀ እና የተሳለጠ ለማድረግ ያስችላል ተብሏል።

በሌላ በኩል ጎግል በአሁኑ ወቅት እየተከሰተ ያለውን የአየር ንብረት ለውጥ ለመከላከል የሚያስችሉ የተለያዩ ፕሮጀክቶችን ለመገንባት ዕቅድ ማያዙን አስታውቋል።

ኩባንያው በተለይም በታዳሽ ሃይል ኢነርጂ ኢንቨስትመንት ዘርፉ ላይ በስፋት ለመስማራት ማቀዱን ነው የገለጸው።

ምንጭ፦አልጀዚራ

You might also like

Leave A Reply

Your email address will not be published.