Fana: At a Speed of Life!

ፌስቡክ የ281 ሺህ ቱርካውያን ደንበኞቹን የግል መረጃ ያለ አግባብ አጋልጧል

አዲስ አበባ፣መስከረም 23፣2011 (ኤፍ ቢ ሲ) ፌስቡክ የተሰኘው ግዙፉ የማህበራዊ ትስስር ገፅ 281 ሺህ የሚሆኑ ቱርካውያን ደንበኞቹን የግል መረጃ ያለአግባብ ማጋለጡ ተሰምቷል።

የቱርክ እምባ ጠባቂ ተቋም እንዳስታወቀው ኩባንያንው 281 የሚሆኑ ደንበኞችን ስም፣ ፆታ፣ የልደት ቀን፣ የጋብቻ ሁኔታ እና የትምህር ደረጃ ያለ ተጠቃሚዎች ፍላጎት ለዕይታ ክፍት ማደረጉን አስታውቋል።

ከዚህ ባለፈም የደንበኞች እምነት፣ የትውልድ ቦታ እንዲሁም የመኖሪያ ቦታን ያለ አግባብ መጋለጡ ነው የተገለጸው።

ኩባንያው በፈጸመው የግል መረጃ ጥሰት ምክንያትም 1 ነጥብ 15 ሚሊየን የቱርክ ሊራስ ወይም 201 ሺህ 865 የአሜሪካን ዶላር ቅጣት የተላለፈበት መሆኑ ተነግሯል።

በተጨማሪም የደንበኞቹ መረጃ መጋለጡን በወቅቱ ለተጠቃሚዎች ባለማሳወቁ ምክንየት 450 ሺህ የቱርክ ሊራስ ወይም 79 ሺህ የአሜሪካን ዶላር በድምሩ 1 ነጥብ 6 ሚሊየን የቱርክ ሊራስ ወይም 281 ሺህ ዶላር መቀጣቱ ተገልጿል።

ባሳለፈነው ሰኔ ወር ላይ ፌስቡክ በአሜሪካ ደንበኞቹ ላይ በፈጸመው የግል መረጃ ጥሰት ምክንያት ሀገሪቱ የ5 ቢሊየን ዶለር ቅጣት ያስተላለፈችበት መሆኑ ይታወሳል።

ምንጭ ፦አናዶሉ

You might also like

Leave A Reply

Your email address will not be published.