Fana: At a Speed of Life!

ፌዴራል ፖሊስ ለኢሬቻ በዓል በሰላም መከበር ህዝቡ ላደረገው ቀና ትብብር ምስጋና አቅርቧል

አዲስ አበባ፣ መስከረም 25፣ 2012(ኤፍ ቢ ሲ) የኢትዮጵያ ፌዴራል ፖሊስ ኮሚሽን የኢሬቻ በዓል በሰላም እንዲከበር ህዝቡ ላደረገው ቀና ትብብርና ድጋፍ ምስጋና አቅርቧል።

የኢሬቻ በዓል መስከረም 24 እና 25 ቀን 2012 ዓ.ም በአዲስ አበባ ከተማና በቢሾፍቱ መከበሩ ይታወሳል።

ለዚህ ክብረ በዓል በሰላም መከበር ህዝቡ ላደረገው ቀና ትብብርና ድጋፍ ኮሚሽኑ ምስጋናውን አቅርቧል።

በፀጥታ ጥበቃው ላይ የተሰማሩት የሰራዊቱ አባላት የተሰጣቸውን አገራዊ ተልዕኮ በብቃት በመወጣት የታለመውን ግብ ማሳካታቸውን ኮሚሽኑ ገልጿል።

ለዚህ ስኬት ትልቁን ድርሻ የተወጡ አባገዳዎች፣ ወጣቶች እና የበዓሉ ታዳሚዎች ለፀጥታ አስከባሪ አካላት ያሳዩት ቀና ትብብር አርአያነት ያለው ተግባር መሆኑንም አንስቷል።

ህዝብና ፖሊስ በቅንጅት ከሰራ የማንሻገረው የሰላምና የደህንነት ችግር አለመኖሩን የገለጸው ኮሚሽኑ ፥ፖሊስ የሰጠውን መግለጫ ከግምት ውስጥ በማስገባት በዓሉ በሰላም እንዲጠናቀቅ አስፈላጊውን ትብብርና ድጋፍ ላደረጉ አካላት በድጋሜ ምስጋና አቅርቧል።

You might also like

Leave A Reply

Your email address will not be published.