Fana: At a Speed of Life!

ፓለቲካ ለአሜሪካዊያን ዜጎች እንቅልፍና ጤና ማጣት ምክንያት እየሆነ ነው

አዲስ አበባ ፣ መስከረም 15 ፣ 2012 (ኤፍ ቢ ሲ) አሜሪካን ጨምሮ በተለያዩ አለም ሀገራት የሚፈጠሩ የፓለቲካ ጉዳዮች የየሀገራቱን ዜጎች ትኩረት በመሳብ ለክርክሮች እና ውይይቶች ምክንያት ይሆናሉ፡፡

እነዚህ ውይይቶችም በፍጥነት እየተሟሟቁ እንደሚሄዱ እና በሰዎች ጤና እና ግንኙነት ላይ ተፅዕኖ  እንደሚያሳድሩ አዲስ ጥናት ይፋ አድርጓል፡፡

የጥናቱ ፀሃፊ ኬቨን ስሚዝ አሜሪካውያን  ፓለቲካ ውስጥ በመሳተፋቸው እና ትኩረት በመስጠታቸው በተወሰነ ደረጃ ለችግር እየተጋለጡ ነው ብሏል ፡፡

ኬቨን ስሚዝ እና ባልደረቦቹ ፓለቲካ በአሜሪካውያን የአዕምሮ ጤና  ላይ ምን ያህል ተፅዕኖ እንደሚያሳድር ጥናት አካሂደዋል፡፡

800 የሚሆኑ ሰዎች የተሳተፉበት እና በኦንላይን በተካሄደው ጥናት ዜጎች በፓለቲካ ላይ እንዴት እንደሚሳተፉ እና ፓለቲካ እንዴት ተፅዕኖ እያሳደረባቸው እንደሚገኝ ተጠይቀዋል፡፡

40 በመቶ የሚሆኑትም ፓለቲካ በህይወታቸው ለሚፈጠር ውጥረት ምክንያት መሆኑን የገለፁ ሲሆን ከእነዚህም ውስጥ 20 በመቶ የሚሆኑት እንቅልፋቸውን እንደሚያጡና ለድብርት እንደሚጋለጡ ተነግሯል፡፡

ከ10 እስከ 30 በመቶ የሚሆኑት ደግሞ ፓለቲካ ስሜታዊነታቸውን ከፍ በማድረግ እንዲቆጡ፣ ፍርሃት እና ጥፋተኝነት እንዲሰማቸው እንደሚያደርጋቸው ተጠቁሟል፡፡

20 በመቶዎቹ ደግሞ ፓለቲካ የጓደኝነት ግንኙነታቸውን እንዳበላሸው እና ከእነዚህም ውስጥ 16 በመቶዎቹ ፓለቲካ የቤታቸውን ደስታ እንዳሳጣቸው ተናግረዋል፡፡

በዚህ ጥናት ፓለቲካ ተፅዕኖ እያሰደረባቸው እንደሚገኝ ከሚናገሩት በርከት ያሉት ወጣቶች፣ ስር አጥ ፣ ሌብራሎች፣ ወግ አጥባቂዎች እና በፓለቲካው ንቁ ተሳትፎ ያላቸው ሰዎች መሆናቸው ተጠቁሟል፡፡

www.npr.org

You might also like

Leave A Reply

Your email address will not be published.