Fana: At a Speed of Life!

590 የቡርንዲ ስደተኞች ከታንዛኒያ ወደ ሀገራቸው ተመለሱ

አዲስ አበባ፣ መስከረም 23፣ 2012 (ኤፍ.ቢ.ሲ) በአውሮፓዊያኑ 2015 በቡሩንዲ ፕሬዚዳንት ፒየር ንኩሩንዚዛ ለሶስተኛ ጊዜ የምርጫ ዘመን እንደሚወዳሩ መግለፃቸውን ተከትሎ በሀገሪቱ ግጭት በመቀሰቀሱ ወደ ታንዛኒያ ተሰደው ከነበሩት ዜጎች መካከል 590 ስደተኞች ወደ ሀገራቸው ተመለሱ።

የፕሬዚዳንቱ ውሳኔ የሀገሪቱን ህገ መንግስት የሚፃረር በመሆኑ የተፎካካሪ ፖለቲካ ፓርቲዎች ማውገዛቸው እና ደጋፊዎች አደባባይ ወጥተው ተቃውሟቸውን በመግለፃቸው ግጭቱ መተቀሰቀሱ ይታወሳል።

ግጭቱን በመፍራትም 400 ሺህ ያህል የቡርንዲ ዜጎች ወደ ታንዛኒያ፣ ኡጋንዳ፣ ሩዋንዳ እና ዴሞክራሲያዊ ሪፐብሊክ ኮንጎ ተሰደዋል።

ከስደተኞቹ መካከል 183 ሺህ ያህሉ ታንዛኒያ ውስጥ ተጠልለው መቆየታቸውን ዘገባው ያመላክታል።

ቡረንዲ በአውሮፓዊያኑ 2020 ፕሬዚዳታዊ ምርጫ ለማካሄድ አቅዳለች፤ መንግስትም ፍትሃዊ፣ ግልጽ እና ታማኝነትን ያተረፈ ምርጫ አካሂዳለው ሲልም ቃል ገበቷል።

አሁን ላይ በቡርንዲ ያለው ሰላም እና መረጋጋት አስተማማኝ መሆኑን ነው ያስታወቀው።

በሳላፍነው የአውሮፓውያኑ ነሃሴ 24 ቀን 2019 ታንዛኒያ እና ቡርንዲ ስደተኞችን ወደ ሀገራቸው ለመመለስ ስምምነት ማድረጋቸውን ተከትሎ ነው በትናንትናው ዕለት የመጀመሪያዎቹ 590 ስደተኞች ወደ ሀገራቸው የተመለሱት።

ምንጭ ፡- ሲ ጂ ቲ ኤን አፍሪካ

You might also like

Leave A Reply

Your email address will not be published.